مـطـعـمـ ،،

                                          الـسـلآآمـ علييكمـ ،،
                                        شلـوونكمـ شخبـآآركمـ،،

                          الله يسلمكم أمس رحناا انا وخواتي سنتر بوينت
                                 عاد خلصناا تسوق رحنا المطعم اللي فوق
                               " للأسف ماأعرف شنو اسمة ماشفتة لول "
                                             وصورت لكم هالصور :$
            انا طلبت الستروبوري " الفراولة " غرااااامي واختي طلبت برتقال

السلطة

أصابع الدجاج بالجبن و الصحن اللي ورا بطاط بالجبن " وااي حدة عجيب اكثر شيء عجبني "

وحلقات البصل

كلوب سااندوج

وهالطبق مادري شسمة اختي طلبتة

واخيراً الفاتورة

عاد اليوم قاعدة اقول لأختي شفنا بسنتر بوينت اغراض للبيبي روعة " اختي حامل "

عشان ابي اروح مرة ثانية عجبني اكلة ماابي شيء بس ابي ستروبوري وبطاط بالجبن لول :P

يـلآآ مع السـلآآمهـ ،،



"بيتي يابعد كل بيت"

الـسـلآآمـ علييكمـ ،،

شـلـوونكمـ شخبـآآركمـ ،،

إن شاء الله أستانستوو بالعيد ؟

وآآي قربت الدواماات ،،

كللش مالي خلق المحاضرات :S

شوفو حلويات العيد اللي خلتني ماأقدر انام الليل بسبب عوار رجولي:P

والله تعبت وانا اقهوي ناس داخلة وناس طالعة :(

انا مسوية فيها كلش السنعة ولا وحدة قامت من البنات :@

اللي تقول ماأقدر امشي بالكعب واللي مواصلة مو نايمة واللي مالها خلق

بس انا وخالتي اللي نقهوي وانا كلش يعني ذربة اقول خلي عنج خالتي لول

كل مرة اقول اخر مرة اقهوي بس لما اروح بيت جدي استحي واقوم لما اشوف خالاتي او امي يقهووون لانهم كبار واحنا شكثرنا بنات ع غير سنع لول

هذي الحلويات صورتها يوم كانت ابيتنا

بعدين يوم رحنا بيت جدي اخذناها معانا

قبل العيد بيوم رحت شريت ايفون4

بالبداية حسيتة صعب ويدوخ

كل مااضغط ع حرف ينكتب الحرف الثاني

بس بعدين حبيتة وصج ع قولة خالي الايفون متعة

ايفوني وايفون اخوي وابوي

الايفون مال ابوي هدية مني انا وخواتي هذا كرتون الهدية :$

طبعاً خط اختي روعة :P

اخوي يقول لها شنو هذا اللي تحت الكلام

تقول زخرفة قال قصدج شخبطة لووووول

داخل الكرتون

ايفوني اللي ع الليمين وايفون اخوي اللي ع اليسار وبلاك بيري بالوسط مال اخوي الصغير

الحين بقولكمـ سآلفهـ العنوآن :P

اليوم ثاني ايام العيد

قلنا بنطلع وفكرنا وين نروح

قلنا ماكو الا سينماا المركز العلمي لانة دايم يكون خفيف ومو زحمة

وتوقعنا يكون اليوم مزحوم لانة عيد

بس ما توقعت كلللللللللللللللللللش هالزحمة جنة ماكو مكان بالكويت الا هالمكان :S

لا وشارع السالمية اللي لا يوريكم

اللي سيارتة كشف وفاتحها ومطول ع الاغااااني تبي تسمع اسمع بروحك مو غصب نسمع احنا

واللي فاج ليت سيارتة اللي داخل وقاعد يرقص اهو ورفيجة < ماعلية مسكين عبالة مسيرة العيد الوطني لول

والسينماا داااااخل زحمة حدهاااااا وازعااااااااج من كثر الناس حدي ماأندمجت مع الفلم

والمطعم هم زحمة الناس ع بعضها:S

ندمت اني رحت لو قاعدة مع جدتي اقهوي اللي يزورنها ابرك لي لووووووووول

عشآن جذي مرة ثانية ماأطلع بالعيد توبة

وع قولة سعاد عبدالله "بـيـتـي يـابـعـد كـل بـيـت"

هذي تذكرتي انا واختي

                                                      وبسسس يـلآآ مع السـلآآمهـ ،،

عـيـدكـمـ مـبـآآركـ ،،

الـسـلآآمـ عليـكمـ ،،

شلـوونكمـ شخبـآآركمـ ،،

وآآي مادري شفيني نومتي كللش مو راضية تتعدل

اعدلها ترد تخرب :S

قبل أمس نمت الساعة 6 الصبح وقمت الساعة 10 الصبح بعد هواش لول

رحنا نخلص شغل العيد وبعد عنااء طويل خلصت امس كلولولش (( يا بخت الصبيان ما يتعبون مثلنا لول ))

هذي اغراضي :$

الجيس اللي ورا فية بدلتي

تعبت وانا افتر ماعجبني شيء اخرتها طحت ع هالمحل

بالافنيوز ومادري شنو اسمة وعجبتني بدلة واخذتها

والكعب عزكم الله من سنتر بوينت

والاكسسوارات من H&M الافنيوز

وشريت انا وخواتي من محل نظارات كيفان الافنيوزعدسات

انا ولاعيد لبست عدسات بس بلبس هالعيد

لاني ماأبي احط ميك اب

ابي كحلة ومسكرا وحمرا وبسس

والله ماأحب المكياج انا وياة عداوة :(

كل خواتي خذو عدسات عسلية الا انا اخذت رمادية لول

كنا مقررين انا وخواتي نتقاط ونشتري هدية لأمي وابوي

يعني عيدية منا لهمم

وقررنا نشتري جنطة لأمي وايفون 4 لأبوي

واتفقنا نروح الصبح وهالكلام قبل امس

ورحنا الصبح كان الاتفاق انا وخواتي نقوم ونروح مع السايق نمر

خواتي المتزوجات ونروح بروحنااا

بس يوم قمنا توهقنا لول

امي قالت بروح اتمشى معاكم < احنا مانبيها تروح لان بشتري لها هدية

المهم رحناا وامي معانا بس قلنا لأختي الصغيرة دوخي امي روحي

قولي لها ابي هالمحل وقامت بالمهمة وراحت مع امي وضيعتنا

ورحنا احنا بروحنا انا وخواتي واخذنا لها جنطة

(( للآسف ما صورتها لانة يوم قطينا اختي بيت زوجها نزلتها مع اغراضها عشان امي ماتجك فينا ))

المهم واحنا نتمشى شفنا بودي شوب

وكان عندهم عرض حلوو

فقلنا نزيد الهدية وناخذ لأمي وابوي

واخذنا لهم

مو زين امي او ابوي يدشون بلوقي

يذبحوني خواتي لووووول

وإن شاء الله بعد شوي بعد الفطور

بنروح انا واخوي نشتري الايفون4 لابوي وانا بعد باخذلي واحد:D

ان شاء الله اصورهم لكم اهم والجنطة

وعقب ماخلصنا من السوق وردينا وتفطرنا عقبها

رحت الصالون وخلصت كل شغلي

واخرتها ختمتها بـ اني قصيت شعري

كنت مترددة حييل لاني طول عمري قصير والحين توني طولتة

المهم شعري لآخر ظهري امس قصيتة وصار لـ تحت جتفي بشوي

نفس هالقصة بس انا شعري اطول منها بشوي

هذي مغنية اجنبية احبها يؤؤ قبل ماأحب حصة العربي

فـ أفج الكتاب جني منتبهاا مع الابلة

وانا حاطة صورها واشوفهم لوووول

اهني وانا بالصالون كاااااان حدة فااضي وكانت صدمة بالنسبة لي انة فاضي لول

والحين بسألكمـ :$

شنو نظامكمـ بالعيد أول يوم يعني متى تقعدون من النوم ووين تروحون واي حزة تكون طلعتكم ومتى تردون بيتكم لول ؟

انا عن نفسي اقوم الظهر واسلم ع امي وابوي وبعدها اكل واقعد شوي وبعدها أبدأ اسوي شعري التسريحة اللي ابيها

وبعدها اتمكيج واحط صبغ الاظافر وعقبها البس وبعدها نروح بيت جدي أهل امي وننطر خالتي تجي ونروح احنا وخالتي وبناتهاا بيت عمامي (( خالتي ماخذة عمي )) فنروح مع بعض نقعد عندهم ساعتين جذي وبعدها نرد بيت جدي ونختمها دايماً بوجبة من برجركنج لول طبعاً نطلع ع المغرب العيد عندنا بليل احنا لول

تبون العيد باجر والا اللي بعدة ؟

انا ماأبية باجر لان نااامس قارصني ع شفايفي فـ انتفخت وخايفة يطلعون علي اشاعات اني تافخة :$ لول

اتغشمر بس صج نامس قارصني ع شفايف فـ صوب منتفخ وصوب لأ فـ ابي اللي بعدة عشان تروح القرصة

عاد خدامتنا فلبينية ابوها مسلم تقول دقو عليها اهلها وقالو انة باجر عندهم العيد

ياخوفي احنا بعد باجر لول شسوي بهالتفخة

وعـــيــدكــمــ مــبــآآآركـ :$

طـبـخ

الـسـلآآمـ علييكمـ ،،

شـلـوونكمـ شخبـآآركمـ ،،

الله يسلمكمـ أنا ماأحب الطبخ فاشلة فية :(

بس ساعات يطق بمزاجي اطبخ فأدش اطبخ

عاد بوريكمـ الطبخة اللي ضبطت وياي لول :P

الباقي فشلت فيهم :$

بس لا تخافون حاطة الطبخ براسي يا انا يا اهو نطرو علي راح اصير الشيفNoNa

أول شيء الطبخة عبارة عن كروسان جاهز واحشية بـ دجاج ومايونيز وفلفل بارد وذرة ونسيت الباقي لول

هذي الحشوة اللي سويتها

واهني قبل لا ندخلها الفرن و عقب حطيت الحشوة بالكروسان

وزادت الحشوة فـ حشيت صمون بعد

< ترا والله عندي عمى بالمقاسات لول

حتى لما اشتري بالسوق لنفسي ملابس

دايم القياس غلط لووووول

اهني يوم خلصت الطبخة بسلام::P

لا تحاتون ماأحترقت :$

وهذي سلطة سويتها

علمتني هديل عليها الله يعطيها العافية :)

طبعاً انا حاطة الصوص شكثرة

< قلت لكم عندي عمى بالمقاسات والكمية لول

وبسسسس :$

يـلآ مع السـلآآمهـ ،،

رعب السهرة + درجي السري:P

الـسـلآآمـ علييكمـ ،،

شلوونكمـ شخبـآآركمـ ،،

ها شمسوين مع العشر الآواخر ؟

شدو حيلكم بالعباداات ترا هالايام الاجر مضاعف :)

ذاك اليوم سهرانين المهم أذن الفجر وصلينا

وكل واحد دخل غرفتة بيناام

وانا قاعدة بغرفتي أقرأ الاذكار سمعت صوت خطوات احد يمشي

انصدمت (( لان اخواني الشباب كلهمم نايمين من قبل لا ندخل انا وخواتي غرفنا ))

وابوي وامي دخلو قبلنا وما سمعت صوت باب غرفة ينفج

فمعناتة احد من تحت صاعد لووووول

انا خفت وسكت قلت اوهااام

شوي والا اختي تجي غرفتي ركض تقول سمعت صوت شيء يطيح

انا تنحت توني سامعة خطوات لووول

المهم نادينا اختي ال3 وقعدنا نحقق بالسالفة واول شيء توصلنا لة انة ماكو حرامي الا الحين الدنيا صبح  < كونان لول

عاد اختي ال3 اصغرنا ولا همها ولا خايفة

عاد اختي ال2 راحت غرفة واحد واحد من اخواني الشباب تشوف

دشت غرفة الاول نايم وسألت فلان مارد راحت غرفة ال2 فلان مارد راحت غرفة ال3 فلان مارد

ردت قالت كلهم نايمين انا بوقف بالممر اللي بين الغرف وبشوف (( المشكلة مسوية روحها قوية جدامنا بس يوم راحت تشوف قعدت تحت طاولة الطعام لووووووول ))

المهم واهي تحت الطاولة اطالع والا باب غرفة اخوي ال2 تتصكر بروحها هههههههههه

جتناا ركض جني صكر الباب

انا قلت بدق على اخوي اللي تصكر بابة وانا ادق ع فونة حدي خااايفة انة يرد علي الجني > مثل مسلسل البيت المسكون لول

المهم يوم دقيت والا يرد اخوي قلت انت قااعد قال اي ليش قلت انت صكيت باب غرفتك قال اي

واخرتها طلع اهو واحنا مسوين فلم

شوفو اختي اللي مسوية روحها قوية مزهبة عصايتها لول

انزين جني شلون بطقينه بهذي ؟ مو احنا قلنا ماكو حرامي الصبح لول

الساعة وقت السالفة

اهم شيء جيكو عاليسار المنبه حاطينة عشر ونص عشان

 نقوم نروح الافنيوز نخلص شغل العيد وااي يوم قمت

تذكرت شعور ايام اول لما نقوم نشتري شغل المدارس

نروح الصبح عشان تتعدل نومتنا لول

عاد عقب الخرعة ماقدرت انام والغرفة ظلمة

والا افج شوي من شتر غرفتي

ذاك اليوم اتمشى اتعبث بغرفتي

والا اشوف هالدرج ترا سري:P

شوفوة

حياااكم

يصلح لبلعة تالي الليل صح:P

ويلا مع السلآآمهـ :$

قرقيعـآن دلـولة

الـسـلآآمـ علييكمـ ،،

شخبـآآركمـ ،،

والله لكمـ وحششة من زمـآآن عنكمـ :$

الله يسلمكمـ ذآك اليوم سهرانين انا وخواتي

قـآعدين نسوي قرقيعـآآن لـ دلوله بنت خالي

طبعاً مثل ماأنتو عارفين عمرها اليوم صار 8 أيام :P

هذي صورة للقرقيعان قبل لا نفجة ونخلطة

وهذا القرقيعان الاول اللي سويناة لدلولة

زووم

وهذا القرقيعان الثاني

وهذا جدتي مسويتة لدلول

هاا بشرو ان شاء الله قرقعتو:P

يلاا مع السلاامة :$

دلــول وصــلــت:P

           الـسـلآآمـ علييكمـ ،،

      شـلـوونكمـ يـآحلـووين:P

    اللهـ يسلمكمـ سالفة العنوان انة هووشة بالعايلة على أسم دلال منو يسمية

      ومن سبق لبق ع قولتهم :P

     كل اللي ولدو جابو صبيان محد جاب بنت واليوم مرت خالي جابت بنت وسمو دلولة وراحت ع باقي الحوامل اللي بالعايلة:P

           طلعنا بعد التراويح وخالتي قالت خنمر محل بالفروانية عندة حلويات عجييييبه

وياليت ماسمعنا كلاامهاا زحمة الفروانية تزهق !!

   وطلع المحل حدة مو حلوو

    هذا الحمل من برا صورتة عالسريع وانا أمشي

عقبها طلعنا من زحمة الفروانية

قلنا نروح باتجي لانة بصراحة احلى محل كاكاوات

رحنا لحولي وزحمتها

انا كنت بتشهد واموت من الزحمة بس الحمدلله عدت السالفة:P

صورتة وانا بالسيارة مانزلت مالي خلق ولا فيني حيل من كأبة الزحمة:P

عقب رحنا محل مو بعيد عن باتجي مال ورد

وصورت المحل من برا

وهذي الوردة عند الباب اللي عاليمين

والغرفة من داخل

الصراحة ماعجبتني كللش مع انها ملكية ووسيعة

بس لونها بني كأييييب

يعني الوحدة حامل بروحها تعبانة ومكتأبة شهالالوان

طبعاً هذا مستشفى الهادي

وختامهاا مسك مع

دلولة :$

دلاااال ومدللة

غلا ومغليييييييك

ذكروا الله :$

ترا لا الحين 13 واحد خطبوها:P

ويـلآآ يا حلوووين

مع السلآآمة