نادي القادسية الرياضي

السـلآآمـ علييكمـ ،،

أنا قبل كنت مجنونة بشيء أسمة قادسية

انام اقوم اكل اشرب كلا قادسية لووول

خالي كااان يزهق مني يقول كل ماأشوفج قادسية

فـ يطفرني بنص المباراة يطفي التيفي ويسوي حركات

أنا ماكنت أحب الكورة بس ع قولتهم

من عاشر القوم 40 يوم صار منهم وفيهم:P

بنت خالتي تموت بشيء اسمة كورة

فكنت كل ماأجي بيتهم او بيت جدي

اشوفها حاطة مباراة 

فكنت أقعد ماعندي شيء اسوية

واشوف معاها ليمن حبيت الكورة

بقولكم سالفة تعلمكم شكثر كنت مجنونة كورة

خالتي كانت بالمستشفى تولد والعالم قايمة وقاعدة

المهم انا وبنتها اللي حببتني بالكورة قاعدين ونسولف عن الكورة

لان باجر في مباراة للمنتخب وقعدنا نزهب تيشيرتات المنتخب اللي عندنا عشان بنلبسهم باجر

طبعاً والاكسسورارات الزرق شيء ضروري لوووول

المهم نمنا ولا سألنا عن خالتي انا اهون منها خالتي ع الاقل اهي امها وما سألت عنها لوووول

عاد أذن الفجر انا نايمة وهم بنت خالتي نايمة وقعدت والا تقعدني قلت لها شنوو شفيج قالت قومي قاعد يأذن

خلنا نصلي عشان ندعي للمنتخب يفووزوون انا ما صدقت نقزت من الفراش لوووول

لو قايلين لنا قوموا درسو قوموا سوو لكم شغلة والله مانقوم بس لان السالفة فيها كورة لوووووول

المهم صار باجر وكالعادة خسروا المنتخب لوووول

عاد انا عندي ملف مسويتة عن القادسية والمنتخب

وشكثر صفحاتة بس صورت لكم جم صورة منة

الغلاف من برا

من داخل

كاتبة بالأعواد:P

سويت لاعب من القصدير لول

المنتخب

     أغراض القادسية اللي خاشتهم عندي

           بلوزة القادسية وقرطاسية

ترا الكرتون المدورعلبة كلينكس  وبروشات عالقادسية عاليسار فوق البلوزة

الحين عندي سالفة عن القادسية بعد

كنت بـ 2 ثانوي

وكانت بداية السنة تقريباً

يعني تونا ماأخذنا ع بعض ولا تعرفنا على بعض

وانا كنت قبل بمدرسة ثانية وهالمدرسة جديدة فماأعرف بنات واجد

المهم كانت ابلتنا غايبة ودخلت علينا ابلة

قالت فرقو الادرااج وكل وحدة تشتغل لها بشيء

ماأبي اسمع نفس < تبينا نموت لول:P

المهم بنت خالتي كانت معاي بالصف وتقعد يمي 

               طلعت مجلة وعطتني اياها وخشيتها بالدرج وقعدت اقراها     

عقب ما طق الجرس جتني بنت كانت تقعد وراي 

قالت لي انتي تحبين القادسية قلت لها شدراج

قالت لانج قاعدة تقرين لقاء الاعب علي الشمالي 

قلت لها اي انا احب القادسية قالت حتى انا احب القادسية 

وصرنا رفيجااات المهم صار رمضان وكان عطلة

فكنت لما اروح المسجد صلاة التراويح اشوفها

وكانت تشق الصفحة الرياضية اللي فيها لقاء مع لاعب وتعطيني اياها لان جريدتهم غير عن مالتنا وانا اعطيها من جريدتنا واعطيها صور من النت للاعبين

شوفو صور الجرايد اللي كانت فطوم تعطيني اياهم فطوم                

و كنا مثل السيلانيات نكتب فوق رسايل:P

هذي من اخت فطوم كنت اعرفها بعد

وهذي من اخت فطوم ال2

ومرة فجأة لقيت صفحة من اللي عطتني اياهم فطوم مو لقاء ولا رياضة

صفحة طبخ شوفو شكاتبة فطوم عليها:P

وبختمهاا بكرنيه شلتنا :)

الإخلاء = الأخلاء بس غلطة مطبعية من اللي سوتة لنا :P

تحت رقم دفعتنا اللي دشينا فيها للثانوية

وتحتها اول حرف من اسم كل بنت بالشلة

هذا الكرنية ال2 لشلتنا

بس قبل لا أختم نسيت أقولكم

ترا انا كبرت وعقلت لول

الحين لا أشوف كورة ولا اتابع ولا أهتم

وبسسسس :$

سي يو حبايبي :$